Guncel, genant von Byshofsw(er)d, hat sich bericht mit Niclawes und mit Johannese, Ern Apeczk Bernigeres sonen, sinen svegeren, und ist geeynet und geebent mit en aller sache in jeheteme dinge, dar umme trat Guncel abe Nůen Ruten sinen svegern, der vorgenanten Niclase und ouch Joha(nne)s. Is wart ouch getedinget in jeheteme dinge, daz sie sich ni(m)mer kegen Guncel, irme swag(er)e, solden geseczzen an keine hande sache, w(er)e daz sie daz an im in keyne wis brechen, wo Guncel des mochte gehaben zcwen erafte2 man, so solden sie lyebes und guthes daru(m)me sin bestanden.