Ez hat Eymut, von Nefshoven genant, mit bedachte(n) můte und mit sin(er) husvroven guthe(n) wille2, die Kunegu[n]d ist genant, gegeben und saczt sime Eydeme Johannes und sin(er) tocht(er) Claren daz erbe gerichte vor zcweyhu(n)dert m(a)rg, und sal daz gerichte halden zcu sin(er) hant, wenne der vorgenante Eymut Johanns, deme vorgesproche(n), die zcweyhu(n)dert m(a)rg [gibt], so sa[l] daz gerichte wyd(er) ledig sin.

|| Ez ist ouch getedinget und geret: w(er)e, das der kind(er)e eynes abe ginge under den zcwen, E sie queme(n) zcu samane, daz goth nicht in wolle, so stunde daz gerichte der můt(er) des Eydemes, der Wyndema(n)nine, hundert m(a)rg, w(er)e abir, daz Eymut der reyde weygerte und abe trete, daz die kint nicht quemen zcu samene, so vor lore dar umme hu(n)dert m(a)rg, und w(er)e, daz die wurde gewegert von des knechtes weyn, dor umme vor loze her hundert m(a)rg, also vor geret ist, von Eymudes weyn. Queme(n) ab(er) die kint zcu samene und sturbe der Eynes ane geburth, so volgete jeme, daz do lebende blibe, des toten morgengabe halb, vinde sie abir frucht und erben bie eyn ander, so siczcet Johannes bye den zcwey teylen und die husvrove in deme drytten teyl.

Daz selbe gelobde, al so vor geshriben stet, das ist geshen Margarethen der Wyndemanne und Johannes irme Eydeme.

Des sint gezcug: Lorencius der Rycht(er), Friczk Ecel, Th(ilo) Vysh(er), Niclawes Wyk(er), Ludwig(us) Hune, Conad von Shoni(n)b(o)rn, Teiczk von Rychinbach, M(er)tin Cale die sheppen.