aNicolaus Linden(er) von Phaffendorff hot siene helfte an deme gute doselbist zcu Phaffendorff vorkowfft Nickil Linden(er) und B(er)nhard, siene(m) bruder, Pawl Lindeners sone(n), u(m)me 65 m(a)r(k) g(roschen) | und hot en dyselbe helfte offg(egeben) erblich(e)n mit allem rechte, als sich das geboret, dach mit eyne(m) sulchen merglichim undirscheide: wurde Joh(ann)es, des vorge(na)nte(n) Nicolai u(n)mu[n]dig(er) bruder, dyselbe helfte, die vorkawft ist, zcu sien(er) helfte wellen hab(e)n, wen(ne) her nw mu(n)dig wirt, die sal im wedir fulgen ane alle wedirrede, und sal die behalde(n) noch der fru(n)de Rathe und ansproche. Wirt sie de(n)ne gebess(er)t, wen(ne) sie vore gewest ist, dornoch wirt her sie beczalen, wirt sie abir geri(n)g(er), denne sie vore gewest ist, so sal her sie abir dornoch behalden noch dirke(n)tnusse der fru(n)de, und Pawl Linden(er) mit denselbige(n) vorgen(annten) siene(n) czwen sone(n) hab(e)n globt, das daz selbe gelt dem obgen(annten) Nicolao Linden(er) beczalt werde bey demselb(e)n gute off tage, alse sie mitena(n)d(er) geret hab(e)n, off Walpurg(is)1 nehstkomende(n) 4 m(a)r(k) und dornoch off Mich(aelis)2 6 m(a)rg und so vorbas zcu 6 m(ar)ken bis gar beczalt wirt ta(m)q(uam) om(n)i ju(r)e p(er)act(um), und 4 ⟨ b ⟩ m(a)r(k) synt bereit beczalet off Mich(aelis) vorga(n)ge(n).3