Heynr(ich) Stange r(ecognovit), das her den zcol zcu Ostros wedir die Ratma(n)n zcur Zittaw gekowft hot u(m)me sien gelt und ouch u(m)me sienes gmeyners1 gelt, Pawl Grossen vo(n) Franke(n)forde2, im sulchim undirscheide, das den zcol die Ratma(n)n zcur Sittaw wedir abkewffe(n) moge(n) u(m)me alzo vil geldis, und das sal en H(ei)nrich Sta(n)ge und Pawl Grosse gu(n)ne(n) ane wedirrede noch lawte des brief(es), den sie dorobir hab(e)n. Ouch sal ey(n) ydirman, der den brieff obir den zcol mit H(ei)nrichs Sta(n)ge(n) wille(n) adir der siene(n) ynne hab(e)n wirdet, alles recht zcu deme zcolle hab(e)n alz H(ei)nrich Sta(n)ge selb(er), als das der statbrieff von der Zittaw, den H(ei)nrich Sta(n)ge dorobir hat, lewtirlich(e)n wsweiset.

Item Hey(n)rich Sta(n)ge hat offg(egeben) siene helfte des vorge(na)nte(n) zcoll(es) zcu Ostris Mertin, Hey(n)rich und Jorge(n) gebrud(er)n, sien(er) eliche(n) swest(er) kinder, mit alle(m) rechte, als her en gehabt hot.

Item H(ei)nr(ich) Stange r(esignavit) die andir helfte des vorgen(anten) zcollis von Pawl Grossen wege(n), sienes gmeyners, siene(m) eydeme Ha(n)n(us) Rakow von Frankenforde o(mn)i ju(r)e, s(icu)d p(rius) Pawl Grosse(n) zcu gute.3

Item Mertin, Jorge und H(ei)nrich, Sta(n)ge(n) swest(er) kinder, sullen halden zcwene schuler, die do || singe(n) in der p(ro)cession(e) vor deme heilge(n) leichnam, ytczlichim die woche 1 ½ gr(oschen) von der helfte des zcolles zcu Ostras ewiglichin, und wen(n) die stat zcur Zittaw die helfte des vorgen(annten) zcoll(es) wedir abkewffe(n) werde(n) dornoch, so sulle(n) die vorgen(annten) brud(er), adir wer den brieff obir den zcol von H(e)nrich Stange(n) wegen innehabin wirt, von deme gelde schaffen und bestellin czweyn schl(er)n zcu der vorgen(annte) p(ro)cession, yczlich(e)m andirhalb(e)n gr(oschen) ewigis zcins(es) die woche.4

Item He(i)nrich Stange hat offg(eben) allis, das her hot, den vorgen(annten) Mertin, Jorge(n) und H(ei)nrich gebrud(er)n, sien(er) swest(er) kinder, und dy selb(e)n bruder hab(e)n globt, alle ding und schickuge(n) zcu halden noch H(ei)nrichs Stange(n) undirweisu(n)ge und wille(n) dorobir alle dese ding.

So hot im H(ei)nrich Sta(n)ge volle und ga(n)cze macht behalden, zcu thun und zcu lossen und zcu wedir ruffen, we(n)n her wil, yn alle(n) landen, wo her siene gut(er) hot.5