abHe(n)sil Hofesneid(er), Kathe(r)ina und Niclos, ir son, Mich(aelis) p(ro) 10 (et) Walpurg(is).b

Hans Prochse und Agnes, seyne eliche hawsfraw, mit iren geerbin habin vorkawfft czwu marg jerlichs czins off iren hoff, off dem Nuwenmarkte gelehen, und off der mol czu Kunsilstorff 1 und sust off allen iren gut(er)n, farenden und unfarenden, Joha(n)ni Gorik2, dem undirstatschriber zcu Gorlicz, umb 20 m(a)r(k) g(roschen) bemischer moncze und polenischer czal, die sie an gereyten3 gelde gancz und gar von im habin enpfa(n)gen, dorome globen sie im bey den selbin gut(er)n, den selb(e)n czins alle jar gutlichen czu richten und ane verczag off czwene tage, off Walpurg(is)4 eyne marg nehste czuknfftig doselbist(e)n anczuhebin und off Michaelis5 dornach dy ander, und so furbas jerlichen off semeliche tage ungehindert und sam6 dirfurdert und dirclaget mit allem rechte und ane allen schaden czu beczalen also lange, bis das sie die eg(enan)ten czwu ⟨ c ⟩ m(a)r(k) czins wedir abegelozen mogen umb andir 20 m(a)r(k) g(roschen) eg(enan)ter moncze und czal, und we(n)n sie das thun wellen, das sal en Johannes gu(n)nen, undd sie sullens en eynen ganczen monden dovor czu wissene thun und verkundigen, und dornach denne off den nehsten czinstag sullen sie im dye 20 m(a)r(k) g(roschen) mit dem versessen czinse obir eynen hawssen mitenander beczalen unvorczogelichen und ane allen schaden sam dirfurdert und dirclagt mit allem rechte und ab alle recht domethe begangen weren, wenn das geschiet, so sullen ire guter denne wedir frey sein und ledig, act(um) cor(am) iudice et scabinis inter quatuor sca(m)pna iudicia(r)ia.a