a [Man sal wissen, das Nitzsche Feyste unde Marga(r)etha, seine eliche husfraw, habin mit gutem wiln, zo sy wol gesten unde gegen mochten1, uffgeg(eben) noch ir beyder tode was sy habin in dem huse, is sey farnde adir unfarnde, Kettirlin, Petir Stangin tachtir, mit sulchim undirscheide usgenomen allis, das dy brive2 besagen, dy die vormu(n)de ynne hab(e)n Jocoff Gruneberg, Engilhard unde Mathis Keser. Ouch ab Kettirlin vor Ost(er)n3 storbe, so sal dy uffgobe nicht crafft han. Ouch suln Petir Stangin sonen, alze Ffrederiche unde Donate, ungehindert fulgen dy 18 m(a)rg erbegeldis, dy Petir Stange schuldig ist, ⟨ b ⟩ noch uns(e)r beider tode, storben sy abir vor Ost(er)n, zo sal dy uffgobe ouch abe gen. Ouch ab der vormunde eyner abe ginge, zo sal der Roth ein and(er)n kysen4 unde von den 18 m(a)rg erbegeldis sal man Kettirlin, ab sy storbe vor Ost(er)n, 6 zcu leichczeich(e)n5 geb(e)n unde die and(er)n 12 zcu dem newen gebewde seynde Petirs kirche6, unde ab Nitzsche Ffeyste obir lebete dis sterbin7 adir seine eliche husfraw, zo suln alle ding abegen, awsgenomen, was dy brive besagen.] a