|| Eza hat gegeben in jehegetem dinge Johannis, ern Hermannes son vleishow(er) bie den Benken, Elsen, siner husvrowen, eine vleisbang, die mit rechte was an Johannis comen. So hat Nicolawes, Brung(er) genant, der selben Elsen, bsiner tocht(er), ouch gegeben eineb vleisbang, da inne sthet Rulo von d(er) Polsnitz2, un(d) ist also gethehdinget u(m)me die zcwe benkec: w(er)e, daz Johannis abe gienge, so solde die selbe vrowe Else die benke besitzend zcu eime rechten Erbe, vor gienge abir die vrowe vor Johannis, so sholden die benke beide blieben bie Johanni.

So hat der selbe Johannes Kunnen, sin(er) Mut(er), uf gegeben ein andere vleisbang, die em sin vather hatte vor gegeben zcu rechteme erbe. Iz hat ouch die selbe vrowe Kunne irre tocht(er) Ysentrude uf gegeben in jehgetem dinge eine halbe vleisbang, die halb dienet zcu deme gotes huse zcu Senthe Pethere.