Nicze Stislaw von Windisosseg1 hat ey(n) entsche(it) gemacht czwische(n) sine(n) kindirn, alzo daz dy hube, dy her hat zu Windischossig, dy hat her gegebin u(n)nd vorkaufft sine(n) sonen Pet(er) u(n)nd Ditherich u(m)me 30 m(a)r(k) g(roschen). Ouch hat her nach dry Ruten ackirs, dy wil her behaldin mit siner husfrawe(n), dy wile se lebin, u(n)nd noch erer beydir tode so sulle(n) dy gancz u(n)nd gar an Petir u(n)nd Ditherich gefalle(n), sund(er) 5 m(a)r(k), dy sullen sy erer swest(er) Elzen gebin, u(n)nd do mete sal se kenis an ere(n) erbe fordirn vat(er) u(n)nd mut(er). Ouch sulle(n) dy egnante(n) Pet(er) u(n)nd Ditherich dy dry Rute(n), waz sichs geburt mit ere(n) pherden, [erhalten (?)], welde abira ir vat(er) icht bescheide(n), dor an sal en nymant irre(n) nach hindirn.