|| Katherina, Heinemannes Scharfenb(er)g(er)es genant husvrowea, hat an deme hofe, da sie inne sitzet, der Heinema(n)nes war, sechzcig marg, dar zcu hat Johannes, ir son, der selben vrowen, sin(er) Muther, an deme selben hofe gegeben in jehetem dinge virzcig marg un(d) an and(er)me sime erbe, un(d) den hof mag die vrowe vor coyfen un(d) da en sol sie Johannis, ir son, nicht an hind(er)en, un(d) ist gethedinget mit Heinema(n)ne, Johannis vethere, were, daz daz er sine nochdurf nicht mochte gehabben an deme lehnguthe, ob ez vor turhbe von brande oder von anderre sache, so solde Johannis im gebenb zcehn marg biz so daz guth wider zcu sime rechte cůmet, unde en solde sin gut nicht vor coyfen, wanne er solde ez erben an Johannis, sinen veth(er)en, un(d) an sine geswisthrie, daru(m)me gab man im zchen marg. Iz hat ouch Odilie, d(er) vrowen Katherinen tocht(er), sich vorzciegen des selben hoffes bie der muter lehben de liebe, daz sie ire Mut(er) nicht daran hind(er)en sol. Iz hat ouch Johannis, der selben Katherinen son, sin(er) Mutther die volburch2 gegeben umme sine Swester Claren, daz sie ⟨ c ⟩ mag, ob sie wiel, mit irme teile in ein clost(er) bestaten.

Dirre sache sint gezcuge: Otto der Richt(er), Johannes Alushen, Fritz von Porswitz, Johannis von Richenbach und Johannis sin vet(er)e, Fritz Etzel, Nicolaus Wiker, Tilo Visher die schepphen.