Iz hat Jents, des spitales meyster, gelazen den garthen Conrade, eime knechte, zcu eime rechten erbe, also daz der selbe Conrad vo(n) deme selbe(n) garthen, d(er) da liet neben deme wege, da man geht kegen Ebirsbach, sol geben die drie jar des jares vunfzehn shillinge und noch den drien jaren, so sol er geben jo des jares ein pfunt deme spitale un(d) sol sin recht erbe sin un(d) sin(er) kind(er)e, un(d) sweme er iz vor coyfen wil, deme mage er den selben garthen vor coyfen zcu deme selben rechte.

Des sint gezcuge: Niclawes d(er) Burg(er)meist(er), Petzold Wer(n)her, Fritzshe von Porswitz, Joha(n)nes Alushen, Joha(n)nis von Richenbach un(d) Joha(n)nis sin vetere, Niclawis Wik(er), Tile Visher, Guncel von Bishofsw(er)de, Fritzsche Etzel.