Henrich von Langnow un(d) Ticzen kind(er)e von G(er)hersdorf 1, s(cilicet) Heinrich und Peter m(i)t ern brud(er)n un(d) swest(er)n, sin entscheidin vor uns(eres) h(er)re(n) ma(n)ne(n), Ern Henczen von Gerhersdorf, er Nyckil vom Penczik2, Peschil Schof, un(d) vor den stat schephe(n) czu Gorlicz, alzo bescheidinlich, daz sie H(ei)nr(ich) vo(n) Langnow en abgetretin ista allir czinse un(d) guet(er)e, der he sich und(er) wu(n)de(n) hatte czu Keselingiswalde3, czu Stolczenberg und czu Lichtenberg un(d) hat sich der geeusirt un(d) den kind(er)n ingegeb(e)n, alzo daz die kindir der guet(er)e vulmechtig sulle(n) sien vorbas un(d) y(n)ne hab(e)n glich(er) wys alz sie er vatir ingehabt hat, und die kindir sullen He(n)nrich von er(is) vat(er) wegin vorbas me key(n)s anrade um(m)e keyn(er)leye schulde wuste(n) adir derburn4 sie keyn(er)ley schulde czu yma(n)de von er(is) vat(er) wegin, die mogin sie vordirn, u(n)nd wen die kindir mundig w(er)den, zo sulle(n) sie kome(n) vor die schephen czu Gorlicz u(n)nd sulle(n) den vorgen(anten) H(ei)nr(ich) loz u(n)nd ledig lasin.