Reynmawera

Hannus Rost ist entscheyde(n) mit Petir Czodilmanne um(m)e dy reynmure unde um(m)e dy nachbesch(re)b(e)ne sachen vor eynem gesessin rate, alzo dy reyn mure(re) gancz unde gar czwischen en ist er beydir gemeyne, dar uff unde dar yn mag y der man buen cemelich gebude ungehindirt. Ouch sal Hann(us) unde syne nachkomelynge daz licht by der selben reynmur(r)e kege(n) den garte(n) nicht hindirn, vor lege(n) noch vor buen dem egena(n)te(n) Petir unde syne(n) nachkomelyngin uf daz syne, alz syne stobe stet, um(m)e sin eygin gelt eyne mure fure(n) kegen dem gorten u(n)nd ve(n)st(er) darin machen ungehindirt, wolde Hann(us) adir syne nachkomelynge uf dy selbe muer adir daran buen, so sulle(n) sy dy selbe muer halp nach wirden gelden ⟨ b  ⟩ nach der nackebur kor1 u(n)nd moge(n) denne dy stob(e)n venstir vorbuen ⟨ c ⟩ unschendelich dem vorgena(n)t(e)n lichte by der vordyr reynmuer. Ouch sal Petir unde syne nachkomelynge daz wasser hald(e)n unde wegleyte(n) obir der stoben, wen her eyne muer da gefurt.