Iz hat gegeben in jehetem dinge Pet(er), von Lutolfeshain genant, Cecilie(n), siner husvrowen, glichen teil sinen kind(er)en, die er leset noch sime tode, daz sie nemen sol an alle sime gute glichen teil eime kinde, un(d) were, daz der kinder eines ab gienge, sin teil sol treten an die and(er)en geswiestrre(n), un(d) hat ouch gekoren zcu vormunden Fritzsken Etzel, sinen vrunt, ob an em icht geshiet, der sol uz sime gute nemen vunfzchen marg un(d) sol die geben, swa er sie bescheidet, un(d) get er ab, der selben Peter, so sol die vrowe die gerade halb nemen un(d) die kindere halb.

Des sint gezuge: die vor genanten schepphen.