|| Die vrowe Oddilie, ern Peczoldes von Richenbach husvrowe was, die hat vor coyfet irme sone Dittheriche ir vorwerk, gelegen vor sente Niclawes thore, mit alle deme, daz dar zcu gehoret, mit pferden, mit vihea unde mit alleme rate, sunder shaf, u(m)me hundert marg un(d) umme zcehn marg, und hat im daz uf gegebben in jehetim dinge, also daz sie des wiel gewaldig sien un(d) tun da mite, swas sie wiel, die wiele sie lebet, were, daz sie ab gienge, so sol d(er) selbe Dittherich sine geswiestherie abbe wisen mit dem selben gelde un(d) sol gliechen teil mit en nehmen, un(d) sol Rulen, sines bruder kindern, ouch gliechen teil gebben, un(d) were, daz da hund(er)t schaf belieben, so solde er da vor gebben sinen swestern zcehn marg bevor.

Des sint gezuge: die shepphen Ermenrich, Johannis Alushen, Shiban von Chongeshain, Cristan von Grunow, Walther Glucke, Tile, Visher genant, un(d) andere biderne lute. Daz selbe Geld sol er gelden un(d) gebben noch der vrowe tode binnen eime jare.2