Her Apez, der da Munzmeister ist genant, hat gegeben in gehehten dinge Ottoni, sime sone, daz vorwerk zcu Rushenwalde2 mit alle deme, daz dar zcu gehoret. Dar nach hat er gegeben Alb(er)to unde Petro daz vorwerk zcu Moyges mit all deme, daz dar zcu gehoret, un(d) daz vorwerk vor der stat gelegen mit alle deme, daz dar zcu gehoret, unde mit gesameter hant. Her hat ouch den zwein gegeben den hof, da er inne siczet, unde alle sine varnde habbe noch sime tode, daz sie sullen gelden sine shult un(d) vordern sine shult, und wil der selbe Apez ethshwas besheiden oder geben des selben gutes, dar an en shullen en sine kind(er)e nicht hindern, unde ob er dicz andern wolde, so en solden sie en nicht hindern.3