aNov(us) a(nnus)a

Iz ist also berichtet zcwisshen den kind(er)en von Laudin, Johannis un(d) Petzcke sime brudere, daz die selben zwene Joha(n)nes un(d) Petzke sullin belieben bie deme erbe un(d) sullin da von gebben Rentske, irme swagere, zcehn marg, der sullin sie leisten zcu sende Michaelis2 messe vunf marg un(d) uf den selben tag ub(er) ein jar vunf. Vor coyften sie binnen deme tage daz selbe erbe, so solde man Rentske dz ersten sin geld leisten un(d) der muter ouch zchen marg, ob daz erbe vor coyft w(er)de.

Iz ist ouch geteydinget, daz Rents sin(er) husvrowen Annen hat gegebben drizig marg. Ob eines abeginge, daz ir solde treten an daz andere. Die vrowen Katherinen, d(er) kinder mut(er), sol ouch nieman hind(er)en an den drin erben.

Diz ist gezug: Nycolawes d(er) richt(er), Hein(rich) Scharfenb(er)g, Fricz Etzel, H(einrich) vome Salcze, Hein(rich) Scriber, Apez B(er)ngeri, H(er)ma(n)nus Luban.