|| Rezer hat uf ge(ge)b(e)n ein garthen Sparongil erplich, do sal her ym von gebin dez jars 1 m(a)r(k) czins, wen Reser und sine husvrouwe abegen, zo sal der czins in den spetal gefallen und wen Sparongil mag noch Resers und siner husvrowen tode, zo sal her dry schilling czins keyn dem spetal ab loze alz sich die mark vor czhen gebort. Deze noch gescrebin uf gobin von Resers weyne um di garthe(n), dy sal man glichirwis haldin alz di erste ufgobe Bescrebin ist: Rezer hat uf ge(ge)b(e)n eyn garthe(n) Peter Heupt erplich. Reser hat uf ge(ge)b(e)n ein garthe(n) Kamencz erplich. Rezer hat uf ge(ge)b(e)n eyn garthen Niczen Voyt erplich. Rezer hat uf ge(ge)b(e)n eyn garthen Peter Czinen erplich. Rezer hat uf ge(ge)b(e)n Nikil Schorfink eyn garthe(n) erplich.1