Einträge
Eintrag 354 (Spalte 18a)
|| Iz hat gegeben Merkel, hern Apetzkes Munzstzmeist(er) tocht(er)kint, in jehete(m) dinge Elsen, hern Heynema(n)nes Cursen(er)es vome Luban tochter, die zcw hufen, gelegen ober der Nyze mit alle deme, daz dar zcu gehorret an varender habbe, also ab Merkel ab gienge ane geburt, so solde die vrowe behalden un(d) besitzen die zcw hufen als sie lege(n) mit alleme rechtea. Stůrbe aber die vrowe vor Merkel ane geburt, so solde Merkel der vrowen vatere oder iren erben, ab d(er) vater nicht enwere, geben vunfzig marg un(d) solde behalden die zcw hufen also sie legen mit alleme nutze. Were aber, daz die selbe(n) vor genumeten kinder mit einander hetten un(d) gienge Merkel abe, so solde die vrowe nemen den drittenteil un(d) die kind(er)e die zweyteil. Quemen aber die kinder nicht zcu samene un(d) also ab ir ein stůrbeb, so solde treten daz gut halb an daz andere un(d) halb an die vrunt desc and(er)en, iz bezserte sich oder ergerte sich.
Des sint gezcuge: Nyclawes d(er) Richt(er), Ermenrich, Heinrich Steinruck(er), Fritz(co) von Porsitz, Joh(ann)es Alushe, Heinrich von Scharfenb(er)g, Peter ober der Nyze, Schiban vo(n) Chongeshain die shepphen.
Textkritische Anmerkungen
a Die ursprüngliche Endung n wurde radiert.
b Hs.: stůrber oder stůrbez.
c Korrigiert aus: der.
Sachanmerkungen
[1] Die Jahreszahl 1309 wurde in der Neuzeit (von Richard Jecht / Hermann Knothe?) nachgetragen, sie findet sich auf dem oberen Rand über Spalte 15b, 16a, 17b, 18a und 21b. In Jecht (1891b), S. 227, Anm. 1 gibt Jecht die Datierung »um 1315« für die Seiten bzw. Spalten 14a bis 21a an.