Johannes, der alde stat shriber, hat gegebin dem spetal by syme lebindin lybe acht mark geldys jereg(is) czinses. So wil der rat, der iczůnt ist adir noch in czythen mochte w(er)din, von dem spetal und von dem hofe eyn prister haldin, der alle tage messe haldea und schal ym alle jar acht mark gebin.1 So schal man Joh(ann)i Shriberb alle jar uf dem spetal czw mark gebin czu syme lybe. Oůch hat Joh(ann)es Shriber czen mark jereg(is) czinses uf den kromyn, noch syme thode vallin czw mark in den spetal und acht mark an sin husvrouwe czu erim lybe. Noch erim thode vallin se an den spetal und von den czen markin schal her czen grosschin czu geschosse gebin und Johannes und sin husvroue schullen dy len habin czu erim lybe und schullin dy lyen mit willen dez Rathys.