Dar nach trath Nyclawes der selbe in jegehet ding un(d) gab den selben teil, der im gegeben was, unde ouch den and(er)en teil des hofes un(d) d(er) kamm(er)en un(d) dar nach alles sin gut, daz her lieze nach sime tode, sin(er) Muter Kunnen uf in jegehete(m) dinge, also daz hes wil un(d) sol gewaldig sien, die wile her lebet. Stůrbe aber her avor der Mut(er), so solde iz treten an sie, ob sie en uberlebete. Swelcher under in abe ginge, so solde iz jo treten an den and(er)ena.

Des sint gezuge: Nycolaus der Rycht(er), Heinrich Scrib(er), Hein(rich) Scharfenb(er)g, Joh(ann)es Alushen, Hein(rich) vome Salze, Nycol(aus) Wik(er), W(er)nher Grunaw, Friczce Etzel die shepphen.