H(er)man, d(er) Kegel(er)inne son, gab siner husvrowen Sophyen zcwenzig marg an sin(er) bang un(d) an anderme sime gute in gehetem dinge, unde wart getehdinget, daz die kindere gaben im iren hof vor zwelf marg, also swanne die zwey kind(er)e zcu iren jaren quemen, wolde h(er) den hof behalden ⟨ a ⟩, un(d) wolden sie sich teilen, so solde h(er) den hof vor zwelf marg rechene, wolde ab(er) h(er) den hof vor coyfen, ab hes nicht behalden mochte, so solde(n) u(m)me daz gelt, u(m)me zwelf marg, die kindere naher sien da(n)ne iema(n)t.