Einträge
Eintrag 1806 (Spalte 87b)
| M(a)rgaretha, Heynman Kursen(er)es tochter, dy Petirs husvrowe was us der Muͤncze, dy hat sich berichtit und enscheiden und mit rathe der frunde und mit der nebingsti(n)1 wille mit Agneten und mit Elsen, eri(n) tochter, also das sy abegetretin ist kegi(n) erin tochter mit guti(n) willen alle der gift an hofe und an der moͤl2, dy sy enphange hatte von Petir, eri(m) wirthe, des hat Agnete und Else mit irre mutir willeclich of gereich[t] und of gelosin Petir, Herma(n) Shribers son, eri(m) wirthe, und eri(m) stifvatir, den hof in der muͤ(n)cze czu eyme rechti(n) erbe. Des hat der selbe Petir Shriber of gegebin Margarethi(n), sin(er) husvrowen, vumfczik mark in den selbin hof un[d] an andirm sime guthe noch sime thode und wil des gewaldik sin, dy wil her lebeth, und des hat dy mutir sich vorczegi(n) kegin den tochter und dy tocht(er) wider kegi(n) der mutir allis anevall(es), erbes und gutes.