Margaretha, di da husvrowe was Jacobes Eyczel, ist bericht aller sache in jehetem dinge mit den Nhesten frunden ires wirthes, also das di frůnt abegetreten sint des wierden teiles an der Můel2 czů Kunstinsdorf und haben das uf gelazen der vrowen Margarethen mit guthen willen vor gerichte, das si tun und lazen mag, swas si wil do mitte an alle hindernisse, und sal ouch ires kindes vormunde sin, das si mit irme wirthe Jacobe hat gehabet mit sime gůthe, also lange bis das das kint kometh czů sinen jaren.