Rulo von Byshofswerd trat vor jehete bang und warth vormu(n)de sin(er) husvrowe(n) Magen2 und sprach gůth und erbe an Gůncels von Byshofswerd3. Des trat dar Guncel und gewan mit sheppen urteil de gewere, das Rulo || im di dar ubir tat und sine husvrowe jath des an sin worth, also das Guncel sin gůth mit shepphen urtel behilt vor Kriben und sin(er) husvrowe(n), und wart also getedinget vor jeheter bang, das alle di gift, di Gůncel hette gegebe(n) Elsen und Magen und Juthen, di selbe vorgank haben als dovor bescriben steyt.