Conrad uber der Nize gab in gehetem dinge sime sune Nyclawes zw hufen des obersten alkeres, gelegen ub(er) der Nize, un(d) dar zcu den ob(er)sten hof, un(d) ging dar nach i(n) daz selbe ding un(d) and(er)te die erste gabe un(d) gab ledecliche(n) deme selben sune Nyclawes hand(er)halbe hufe des selben alk(er)es, des h(er) im hatte vore zw gegeben, un(d) gab do Petere sime ald(er)en sune hand(er)halbe hufe, mit des erste(n) sunes willekur, des Nydersten alk(er)es bi deme viwege un(d) redete, daz do daz Peter sholde sine swestere mit der and(er)halbe hufe abe richten un(d) Nyclawes sholde ledeclichen di erste and(er)halbe hufe haben, un(d) sp(ra)ch doch da bie, h(er) wolde des gutes alles gewaldic sin, die wile h(er) lebete.

Dar nach q(ua)m h(er) an deme and(er)n tage in geheget ding mit den selben sunen un(d) sp(ra)ch, h(er) hette sich bedacht, also daz sin sun Pet(er) sholde geben sime sune Jacobo zwenzig mark zu vierzig marken, die im vore w(er)en worden, un(d) drin tocht(er) iglichen wnzen2 mark un(d) die phert, die da w(er)en, sholde man glich teilen in die hfe, un(d) sp(ra)ch, da w(er)e vie un(d) and(er)e varende habbe, d(er) wolde h(er) gewaldic sein, die wile her lebete, nach sime tode sw(er) recht dar zu hette, d(er) sholde sich d(er) und(er)winden un(d) urteil gab im, daz h(er) mochte sin gut geben in gehetem dinge, swem h(er) wolde.

Des ist gezug: Pezolt der richter, Ermenrich, Heineman von Ozzecs, Henrich der junge vome Salze, Frizze von Porsewitz, Henning Meister, Johannes von Dresden, Albertus Schriber, die shepen.